А вирустық гепатиті (АВГ) - А гепатиті вирусынан туындайтын бауырдың жіті қабыну ауруы. Ауру көбінесе жеңіл және орташа түрде өтеді. Кейде ауыр жағдайларда АВГ жіті бауыр жеткіліксіздігімен, өліммен аяқталуы мүмкін (егде жастағы адамдарда).
А гепатитін жұқтыру қаупі сапасыз сумен жабдықтау жағдайында, нашар санитариялық-гигиеналық жағдайда және жеке гигиена қағидаларын сақтамаған жағдайда пайда болады.
Инфекция көзі: вирусты жұқтырған адам
Берілу жолы: фекальды-ауыз арқылы
· ластанған су
· ластанған азық-түлік (көкөніс, жеміс)
· лас қол (науқаспен байланыста болғаннан кейін)
Инкубациялық кезең: 14 күннен 30 күнге дейін, АВГ науқасы симптомдар басталғанға дейін 2 апта бұрын және 1 аптадан кейін жұқпалы болады.
АВГ белгілері:
|
Жалпы |
Типтік (40-50% жағдайда) |
|
· дене температурасының көтерілуі · бас ауруы · әлсіздік, солғындық · тәбеттің жоғалуы · жүрек айнуы · құсу · диарея |
· терінің және склераның сарғаюы · зәрдің қараюы · нәжістің түсінің өзгеруі |
АЛДЫН АЛУ:
Вакцинация:
· 2 жастағы балалар
· инфекция ошақтарындағы байланыстағы адамдар
· алдын ала иммундаусыз эндемиялық жоғары аудандарға бармау
Жеке гигиена қағидаларын сақтау:
· тамақтанар алдында, дәретханаға барғаннан кейін, жұмыстан оралғанда, серуендегеннен кейін қолыңызды мұқият жуыңыз;
· белгісіз көздерден өңделмеген су ішпеңіз;
· көкөністер мен жемістерді таза ағынды сумен мұқият жуыңыз
· ластанған су айдындарында шомылмаңыз.
Есіңізде болсын! Бұрын вакцинацияланбаған немесе аурумен ауырмаған кез келген адам АВГ жұқтыруы мүмкін. Қарапайым алдын-алу шараларын сақтау бұл аурудан аулақ болуға көмектеседі.